發燒發左成個星期，今日終於好番。
事源上個星期六約左朋友去一間美式餐廳食飯，野食ok，一路都傾得好地地。
食到咁上下，差唔多埋單，都係時候去一去廁所。
我就沿住餐廳最側果條細細條木樓梯，慢慢行入去佢地0係地牢既洗手間。
個地牢好Q暗，左手面係廁所，廁所得三格，男女共用，上面仲畫左好大個男人樣，望實你；而右手面呢，延伸通出去既係一個類似禮堂
既地方，個度好大好黑，而且好係荒廢左咁，見到入面放左d用白布蓋住既大型雜物。
其實黎左瑞典咁耐，我已經好耐冇諗過D邪野。
呢一次我內心莫名其妙地超級不安，感覺好似好多對眼望實自己咁，但冇計因為太急尿，最後夾死頂自己去完廁所衝番上去。
食完餐飯，一番到屋企我就即刻發燒，發左成個星期，仲退完又燒退完又燒。
屌你老味，而家諗番起都成身毛管棟呀！
Search